Enbek.k z порталы биылғы жылдың жиі сұранысқа ие болған мамандықтарына және олардың еңбек ақыларына сараптама жасады.
Сұранысқа ие мамандықтарға ең алдымен – «Жоба менеджері» мамандығын жатқызған. Еңбек ақысы айына – 200 000-1 848 400 теңгені құрайды.
Бағдарламашы мамандары да биыл елде жиі сұранысқа ие мамандықтардың қатарына кіріпті. Еңбек ақысы айына – 200 000-3 038 000 теңге.
Маркетинг саласы да осы тізімге кіріп отыр. Еңбек ақысы айына – 100 700-1 013 600 теңге екен.
Сату менеджері елімізде сұраныста. Еңбек ақысы айына – 300 000-1 260 800 теңге.
Инжерия саласындағы мамандарға сұраныс жоғары. Солардың ішінде: құрылысшылар, технология, көлік саласындағы мамандар, инженер-маркетологтар, машина жасаушылар, энергетиктер және т.б
Бүкіл дүние жүзіндегідей, Қазақстанда да еңбек нарығының динамикасы үнемі өзгеріп отырады. Онымен бірге кәсіптерге қойылатын талаптар да жыл сайын өзгеріп жатыр. Бірақ еңбек нарығындағы қазіргі жағдайға қарамастан, әртүрлі салалардағы жоғары білікті мамандарға сұраныс әрқашан бар. Сіздің мансап таңдауыңыз – сіздің қызығушылықтарыңыз бен қабілеттеріңізге негізделуі керек және дағдылар мен білім өзгеретін нарық талаптарына бейімделуі мүмкін екенін әрқашан есте ұстаған жөн.
Құралай Райымқұл